قصة أنت قدري ** جناااااااااااااااااااان

تذكير بمساهمة فاتح الموضوع :

عندما تعصف بنا رياح الواقع لنسقط على صخور الأحقاد وتبنى من حولنا أسوار شائكة من شر لا يمكن الخروج منا إلا بزلزال لحب يجعل الأرض التي بنيت عليها تبتلعها وتنبت بدلا منها زهور الود الوردية تكون ((أنت قدري))

رواية اختلطت بها مشاعر لإنسانه وجدت نفسها تدفع ثمنا لماضي ليس لها منه شيء سوي اسمها وعائلة لا تعرفها....
روايتي لا تشبه الواقع إلا بحب يشبه بعضة في كل مكان وزمان منذ ولادة الإنسان ...ووجود المشاعر
.
.
.
.
.
.
.
صبية في غاية الجمال ذات شعر اسود طويل ناعم به لمعة توحي بحياته ورونقه ...عيون واسعة ورموش طويلة دقيقة الأنف مكتظة الشفتين عمرها 21 سنه في السنة الثالثة في جامعة واشنطن قسم إدارة الأعمال تسكن مع والدها المهاجر قبل ولادتها إلي الولايات المتحدة الأمريكية ...
وفي بيت العائلة يكن معها جدتها مريم والدة أبوها أختها الكبرى سلمى27 سنه وأخوها عادل 19سنه
أما والدتها فقد توفت أثناء ولدتها لأخر العنقووود عادل
ولوجود الجدة في البيت الأسرة تحافظ علي اللغة العربية واللهجة السعودية وممنوع منعا باتا أي كلمه باللغة الانجليزية.............
علشان الجدة تفهم........

في صالة الأكل لفيلا عبد الله التاجر ورجل الأعمال الذي بني نفسه بنفسه من الصفر
الجدة :وين مستعجل افطر ياوليدي تقل ملحوق يا دافع البلا
عادل: ابي الحق ع الكلية يا الغالية أنا تأخرت
الجد: طيب كاسة حليب ما هي بمأخرتك تعوذ من إبليس وقعد
عادل : علشان خاطرك هااا (وشرب الحليب بسرعة) أح أح أكلت فمي الله يهداك ياجدة ما قلتي حاره
الجد: تركد الدنيا ما هي طايرة
ابو عادل : اتركيه يمه هذا إذا ترك طبعة يموت ....دايم ينام إلي أخر الوقت بعدين يروح يسابق زوله مدري متى يتعدل ويعرف قيمة الوقت
عادل: يالله مع السلامة ......... ولا تحشون فيني
الجدة: ولد !!! هههههههههههههههه
أبو عادل : فمان الله يبه ....( بصوت عالي ) لا تسرع خل بالك من الطريق
أنزلت مها من فوق وهي تربط شعرها على فوق وما مرت على السفرة وبنظره عابرة قالت : صباح الخير ياحبي ( ترسل بوسة لهم )
ابو عادل : وشفيك انتي بعد تعالي افطري
مها وهي مستعجلة : بالجامعة ... بالجامعة ... مع السلامة تأخرت
ركبت سيارتها .. ومرت أخذت صديقاتها...هدى (الكويتية ) و أمل ( البحرينية)
مغتربات للدراسة
مها تحب العرب وتحس بالانتماء لهم غير صديقاتها الأجنبيات اللي كلامها معهم قليل جدا لدرجة ان اللي ما يعرفها ما يظن انها من ولادتها موجودة في أمريكا وما شافت السعودية ولا مره

أمل: طافكم امس مستر جو تخانق مع جون وطرده برى المحاضره
هدى : ويييي ليتني بقيت ودي اشوف جوزيفووووه يتهزأ
أمل : حلمي.. حبيبتي ألا اهو اللي مسح بكرامة جون القاع ولا هز له اشعره
مها: وجون قعد ساكت معقوله ماقال شيء
امل: امبلا ...بس قوة شخصية جو وصوته العالي خلا جون ينجب ولا كلمه وطلع مثل الكلب
يمااااااااااااااااه انا بمكاني مت
مها: والله مدري على وش جوزيفوووه شايف نفسه
هدى: لو اني بمكان جون هي خاربه خاربه بالكتاب اصكه على خشمه اكسره له ..ولا مسخرة الطلبة وعقاب الكلية علي بلاش
مها : يا كررررهي .... كله استاذ ماجستير وشايف نفسه يحسب نفسة دكتور هو ونظارته كنه ارجوز
أمل : والله انه محترم مدري ليش تكرهونه
هدى : أمانه... وتسألين اشو جربي ماتعرفين سؤال من أسألته السخيفة وشوفي ليش اكرهه
أمل: عاد أنتي يا مها شاطره ومو سبب تكرهينه علشانه
مها : شايف نفسه مغروور على ايش مدري
أمل : بالعكس عاد مهتم فيج (وتنط هدى )
هدى : وكلا يطالعج ........... ويسأل عنج ........ وير أز مها ... وير أز مها ......ههههههههههه
مها : زين .. زين ....... انزلوا وصلنا لا يقول قيراوت مها
الجميع :هههههههههههههههههههههههههههههههه

في البيت
عبد الله : ها يمه توصين على شيء
الجدة : سلامتك يمه ........ ماتشوف شر
سلم على راسها وطلع
الجدة قعدت تستغفر ربها وهي تفكر وتقول في قرارة نفسها ... آه يا أمريكا كلك ماتعوضين قلبي عن بيتي الشعبي اللي بقريتي...... يالله خمس وعشرين سنه مرت ... ولا شميت ريحة ترابك ...ولا شفت وجه من اوجيه اهلي .. ما غير هالوجيه الباردة اللي ماهم العوض بناسي وأهلي بس الله يجازيك يا أحمد يوم انك .. ( وتنقطع افكارها بصوت سلمى بنت ولدها الكبيره )
سلمى :صباح الخير يا وجه الخير
الجده : هلا يمه متى جيتى هنا .. ماشفتك
سلمى : من وقت وانا هنا بس انتي ماانتي هنا
الجدة ( بحزن) : لا تواخذيني ياوليدي
سلمى (بخبث) : وانتي وش تفكرين فية ؟؟؟ وين سرحانة عسى ماهو مع سمث شايب جيرانا ههههههههه
الجده (وهي تحرك عصاها لتخويف سلمى ): بنت!!!
سلمى : ههههههههههه والله ياجدووده اللي يشوفك يقول عاشقه
الجده : اقول ترى اقوم عليك .. واخلى خالد مايشوف منك الا زراق ..مار احترمي نفسك
سلمى : لالا خلاص تعوذي من بليس ( وهي تمسك طرف العصا المرفوع )
الجدة: أعوذ بالله منك يا إبليس .... اقعدي افطري
سلمى : طبعا ابي اقعد كني امس ماني متعشية
الجدة : زين سمي ... بس
سلمى (وهي تمد يدها تبتاكل ): وين ربعك ؟؟
الجدة : اليوم صاحية رايقة .. وشو ربعي بعد
سلمى : هههههههههههههه اقصد ابوي وعادل ومهوش
الجدة: اهاااا راحوا دواماتهم .... الا انتي ماعندك دوام ؟؟؟
سلمى : اقوم ... يعني ماافطر
الجدة: لا... اقعدي انا بس اسعلك ( اسألك )
سلمى : يوووووو جدوووده ولا كنها عاشت بامريكا 25 سنه قولي (أي اسك يوي)
الجدة: ايه .. ايه ماعندك دوام ولا اخليهم يسوون لنا قهوه وتغثيني وتقهوين معى
سلمى : بعد...أغثك ماهو أونسك واسولف عليك واقصدلك امدحي شوي والا والله العظيم اطلع لي شغل من تحت الارض واروح
الجدة: تدرين ياسلمى ان ونستي بالدنيا انتم ياوليدي ..( قامت الجده واقفة وعيون سلمى اتابعها ) اجل ابي اقولهم يسوون لنا قهوه بعد ما تفطرين مشان (علشان) تقرين لي من هالقصيد اللي يرد الروح
سلمى : من اعيوني ...ياعيوني بس افطر اصير لك قصيده
الجدة : ياقصيدة عمري انت
سلمى :هه كذا الكلام لاتخليني اصير شاعرة الحين
الجدة : هههههههههههههههههههه لا لا ما يحتاج بس افطري وقري لي ولا انتم ياقوم يس ونو وش فهمكم بالشعر
سلمى : ردينا يامريم ترى اهون

في الجامعة
دخلن البنات القاعة .. مع باقي زملائهم ينتظرون الأستاذ جوزيف دخل طالب اسمه سام ... ونادى مها خارج القاعة ...... مها أول ما شافته غطت وجهها بأيدها وضحكت وقالت : اووووه نسيت كتاب الخبل هذا وش اقول
هدى: خليه يولي يامعوده الحين ايي اليني الناثي وينسيك نفسك
مها : مااقدر اطنشه ابي اطلع اتفاهم معاه قبل يجي جوزيفوووه
أمل : لا تتأخرين ترى هذاك ماينقال عنه
مها : لا بدري
طلعت مها وباقي على المحاضرة خمس دقايق
(أعزائي القراء الكلام مترجم باللغة العربية الفصحى )
سام : اهلا ميمي
مها : مرحبا سام
سام : اين انت لم ارك منذ اسبوع
مها: انا لا انني لم اتغيب يوم واحد
سام : على العموم اريد الكتاب الذي بحوزتك إذا كنت قد انتهيتي من قراءته
مها : أسفه نسيته اليوم ولكن سأحضره غدا
سام : ولكن لا تنسيه غدا
مها : اوكيه حبي
سام (الابتسامة تملا وجهه) : انا حبيبك هههههههه اذا متى نتزوج يا جميلة
في هذة اللحظة مر الأستاذ جوزيف الي القاعة .. وشافته مها
مها( وهي منشغلة بدخول الأستاذ وما تدري وش تقول) تبلع ريقها وتقول: بعد المحاضرة يا سام قد دخل الآن الأستاذ
سام (بصوت عالي): بعد المحاضرة إما الكتاب أو الزواج ههههههههههههه

استاذ جوزيف : صباح الخير
الجميع : صباح الخير أستاذ (بأصوات منخفضة ومتفرقة )
دخلت مها في هذه اللحظة
مها: ممكن ان ادخل
الاستاذ جوزيف :لا
مها : ولكن انا جئت قبل مجيأك حتي انظر هذه اغرضي على الكرسي وخرجت لشأن ما!!
استاذ جوزيف : لا ابقي في الخارج لما هو اهم ... فموعد زواجك اهم من المحاضره
الجميع:ههههههههههههههههههه
مها ( وعيونها مليانه غضب ) :احترم نفسك!!!!
استاذ جوزيف ( بغضب): ابقي على احترامك واخرجي
مها (للحين محرجة من زملائها وبقمة زعلها) : أنت سخيف
استاذ جوزيف وبصوته العميق اللي يدل على رجوله مفعمه وبرود وغيرمبالاه بغضب مها:لا تتكلمي بهذه الطريقة ياانسة وإلا تحضري ايا من محاضرتي بعد اليوم
مها : ومن قال لك اني سوف احضر ( وبالعربي قالت: هه مسكين ) على فكره هذي لزمه عند مها
التفت الاستاذ جوزيف لباقي الطلبه اللي بدى الهمس بينهم والتعليقات من تحت لتحت وقال بصوت عالي : من اراد منكم ان يتبعها فاليتفضل ( واشر بيده على الباب)
قامت هدى وأمل على طول وطلعواا برى
هدى : وايضا نحن لن نحضر محاضراتك

وفي نفس الوقت في بيت ابو عادل

سلمي طلعت علشان تشوف اختها اللي مانزلت من الظهر
سلمي وهي تدق الباب: مها .... مها
تدق الباب مره ثانيه :
مها انت نايمه للحين
مها بصوت تعبان مره : ماابغي اتغدي
سلمي: افتحي الباب ... أي غدا الحين الساعه تسع ... تدق الباب مره ثانيه ... مها افتحي الباب

مها قامت بكسل وافتحت الباب وعلى طول ردت ونامت
سلمي تتبعها : ليه شكلك كذا
مها : امممم سلمي ابغي ارقد الله يخليك بردانه مره
سلمي وهي تلمس جبين مها : انت حرارتك مرتفعه مره
مها بصوت تعبان: لاتكبرين الموضوع ايدك اللي بارده
سلمي : وش ايدي شوفي شكلك ... انا بتصل على الدكتور
مها : والله مافي شي لا تكبرين الموضوع الله يخليك .... اوووف
سلمي اتصلت على دكتور العائله بدون لا تلقي لمها وترجيها اهتمام
بعد نص ساعه كان الدكتور موجود ومعاه الجدة وسلمى في غرفت مها
الدكتور بعد مافحص على مها : انها اعراض برد .. وارهاق .. ساعطيها بعض المسكنات والمضاد الحيوي وتترتاح
سجل الدكتور مجموعة ادويه واعطاها لسلمي وهو يقول : تستمر على هذه الادويه لمدة اسبوع مع االراحه والتغذيه الجيده وستكون بخير
سلمى : شكرا دكتور
الجدة : وش قال
سلمي : يقول برد
اطلعت سلمى مع الدكتور للباب ... وصادف بو عادل داخل للبيت
ابوعادل بتفاجاء من وجود الدكتور : دكتور توم!!!!
التفت على سلمي وكمل : امى فيها شي؟؟؟
سلمي : لا بابا مها عندها شوي برد
ابوعادل بعد ماتطمن : اووه اسف دكتور .. كيف حالك
الدكتور : بخير
ابو عادل : كيف حال ابنتي
الدكتور : انها مصابه باعراض برد والتهاب في الشعيبات الهوائيه وستكون بخير فقط اذا تناولت الدواء بانتظام ..
ابو عادل : اوه حسنا .. شكرا لك على اية حال
طلع الدكتور لخار ج البيت
وابو عادل طلع فوق يشوف مها
ابو عادل :سلامات
مها وهي تعدل من وضعها بتعب : الله يسلمك بابا
ابو عادل : عاد البيت ماله طعم بدون حسك .. يالله قومي بسرعه علشان ينور البيت
مها تبتسم بتعب : انت النور كله بابا
الجدة : ابغي اخليهم يسون لك شي تاكلينه
مها بترجي: لا جدوده مابغي
الجدة : وش مابغي الاتاكلين مشان العلاج يمه
دخل عادل عليهم وهو يبتسم لمها : ها مهاتي الظاهر انا اللي عطيتها عين اليوم
ابو عادل :جانا المزعج
عادل: الله يسامحك بابا اصلن انا اهدئ واحد بامريكا
ابو عادل : يالله يالمزعج نطلع علشان مهاوي ترتاح
عادل : للحين موعارف قدري بس يالله يالله
تضحك مها وهي باين عليها التعب مره

فضت عليها الغرفه ... وعم الهدوء وهاجمتها الافكار وتذكرت الموقف الكريه وهي تقول في نفسها
ياربي منين استوحي هالفكره عني

في هذا الوقت كان جوالها يدق
ناظرت بالشاشه لقتها امل
حطت الجوال صامت مالها نفس تتكلم ولا كلمه ولا تتذكر شي يكفي افكارها هي ماهي ناقصه بعد احد يكلمها عن الجامعه

في الجامعة

هدى لوحدها بعيد عن امل ومها غايبه طبعا لانها تعبانه
هدى تناظر جوالها وتشاور نفسها : ها اتصل لا لا اكيد درت ..ها لا لا .. اوووف ياربي

انجلينا طالبه امريكيه تعرف هدى وصديقاتها: اووه هدى لماذا انت لوحدك رايت امل هناك
هدى : اهلا انجلينا اعرف انها هناك
انجلينا : ايزعجك ان اجلس معك
هدى : وانا لاقيه..... اقعدي ...
انجلينا : ماذا قلتي؟؟؟
هدي: تفضلي
انجلينا : اين مها ؟؟
هدى : لم تحضر اليوم
انجلينا : لماذا تشاجرت مع جو؟
هدى : لم اكن حاضره الموقف>>>> تبي تصرفها
انجلينا : انا حضرت ولكن كانت تتكلم بالعربي ولم افهم
هدى متفاجاءه : حضرتي!!!!
انجلينا : نعم ولكن كانا يتكلما العربي ولم افهم شئ
هدى : وفهد؟؟
انجلينا : فهد ماذا؟؟
هدى : الطالب الذي كان معها؟؟
انجلينا : اعرف فهد لكنه حضر متا خرا انا رايت مها عندما نزلت من مكتب جو
تبكي ولم يكن معها احد ووقفت عند البوابه ولم اشاء الاقتراب منها لاني
لااحب التدخل في شوؤن الغير وبعد برهه اتي فهد وساعدها على الجلوس وجلس
معها ولكنها لم تعره اهتماما وكانت متعبه
هدى : لم يكن معها منذ البدايه ؟؟
انجلينا : لا وعندما خرج الاستاذ جو راها تبكي ارسل فهد وكلمها بغضب وحاولت ضربه
هدي:هيييه !!!!
انجلينا : لكنه امسك يدها وكان يكلمها بحده وذهب ثم اتيتم انتم
هدى بغضب : يعني جين تكذب
انجلينا: ماذا قالت ؟؟
قالت هدى الكلام اللي قالته جين لانجلينا
انجلينا باندهاش : لما قالت هذا انها تكذب فقد كان فهد يجلس مع مها امام الجميع وايضا لم يتكلما فقد كانت تبكي
هدي : عن اذنك انجلينا
انجلينا ترف اكتافها بستغراب : باي!!

في مكتب يوسف

على باب مكتب يوسف قرعات متردده
يوسف: ادخل
تردد من الطارق
يوسف بصوت مرتفع : ادخل
يفتح الباب بتردد وتطل براسها
يوسف : ادخلي
هدي : صباح الخير استاذ
يوسف : تفضيلي صباح الخير ماذا تريدين
هدي تتكلم بالعربي بتردد هي عارفه انه فاهمها لكن كنها مسويه شي غلط: استاذ انا يايه ...
يوسف : هاا ياهدى
هدى : استاذ انا اسفه على كل اللي طاف اولا .. وثانيا ..ابيك تخف على مها
لانها انسانه حساسه ولاهي قد انك تتحداها لانها خسرانه خسرانه
يوسف : هى اللي ارسلتك؟؟
هدي : اقسم بالله ولاتدري
يوسف : اخبرك تدرسين ادارة اعمال ماهو حقوق

هدى : بس حرام انت حاط عليها
يوسف : انا ياهدى هذا من اولها دفاعك هجوم

هدى ( وهي تحاول تعرف الموقف اللي صار امس) : لكن كلامك لها قاسي امس ولا ينطبق عليها ابد اصلن مها...
يوسف : دلوعه وعنيده وشايفه حالها هي صحيح حل و؟؟؟(يتنحنح ) اقصد شاطره
بس احترام الاخرين شي مهم وخصوصا لما يكون استاذ او اب او اكبر منا عموما

هدي: صدقني هي متربيه عدل ومحترمه
يوسف يقاطعها : على العموم اعجبني حبك لها ودفاعك عنها لكن من الواجب
الانسان لما يكون ندمان يجي يعتذر هو ماهو يبعث سفير المسائل ماهي محتاجه
وانا قابل اعتذارك عن نفسك بس. .. لكن هي
هدى تقاطعه : اصلن انا يايه علشانها اهي اولا
يوسف : هدى انا مشغول وايد على قولتكم ابغى اكمل اللي بديت فيه وصدقيني
وقوليلها انا عندى اللي اهم منها بكثير ولا اشكلت علي شي اوكيه
هدى :استاذ الله يخليك افهم اهي ما تدري اني يايه حتي اهي غايبه اليوم
يوسف ( بخباثه ) : طيب طيب وصل اللي تبين تقولين ما تشوف شر
هدى : انت فهمت غلط
يوسف : تفضلي ياانسه انني مشغول ((بالانجليزي ))

اطلعت هدى وهي تقول في نفسها ( من عذر مها تكرهك الله ياخذك )

في بيت ابوعادل

بعد اربع ايام
سلمى : بابا .... بابا
طلع ابو عادل من مكتبه على صوت سلمى اللي كانت تنادي من فوق : وش فيه
سلمى : ناظر بنتك ماهي براضيه تاكل ولا تاخذ الدوا.. انتهت .. وجدتي اتعبت معها
طلع ابوعادل لفوق وتكمل سلمى : بابا ما نزلت حرارتها للحين
ابو عادل : اعوذ بالله منك يابليس ما تبغى تكبر هالمها
وصل ابوعادل لغرفة مها اللي اول ما شافت ابوها غطت راسها وهي تبتسم
قرب منها وكشف غطاها عن راسها وجلس جنبها بالسرير ولمس جبينها وقال:انت للحين حرارتك مرتفعة ليه انت عنيده
مها : بابا ماحب الدواء
ابو عادل : مهاااااا تبغين تزعليني منك .. ترى مايصير كل يوم والثاني وانا
واقف على راسك علشان تكلين اوتاخذين دواك انت كبرتي مايصير كذا
مها : بابا الالفلونزا تاخذ وقتها وتروح مهو بالازم الدوا
ابو عادل : يالله يالله بلا دلع وشربي الدواء
مها تاخذ الدواء غصب : يخ وتشرب كوب المويه كله علشان يروح طعمه من فمها
ابو عادل : ههههههههه تذكريني لما كان عندك ست سنين كنت تسوين كذا بعد
يقوم ويسلم علي راسها وخدودها : ها بابا تاكلين ولا اجلس ااكلك
مها :لا مايحتاج باأكل
الجدة : شوف وانا من الصبح مقابلتك واترجاك ولا طعتي ... خلاص زعلت
ابوعادل : هههههههههه ياويلك زعلتي امي
مها : ما عاش (تكح ) من يزعلك يالغاليه
الجدة : ايه ايه طابت علومك
مها : انا علشان خاطرك ابغى اكل كل الاكل هذا
الجده : اشوف ... انا ابغي اروح انام وتعلمني سلمى الصبح ان ما اكلتي
مها : تصبحين على خير يالغلا
حست مها بالدفء العائلي اللي نساها شوي الجامعه ويوسف وطاريه

اكلت مها وكانت سلمى تراقبها بحنان
سلمى : على فكره امل صاحبتك اتصلت على البيت وسالت عنك
مها قلبها دق بقوه لما اسمعت اسم امل وتغير لون وجهها ماتبغي حتى ذكري شي في الجامعه
سلمى : وش فيك مها تغير لونك كذا
مها تسرع بالاكل : وش فيني مافيني شي
سلمي : مادري بس حسيت لونك تغير
مها وهي مرتبكه : يمكن ( تكح ) من التعب
سلمي : يمكن .... وتسكت شوي .. مها
مها : همم
سلمي: تعرفين ماهو اسلوبي اضغط عليك علشان تقولين لي شى بس ترا انا اختك واكبر منك اذا فيه شي ممكن افيدك

مها : حياتي سلمى صبعا لكن اقسم لك ما في شي
سلمى : مها مااخبرك تكذبين
مها : واكذب ليه
سلمي : على العموم مثل ماقلت لك .. انا الحين ابغي انام وفكري باللي قلت لك كويس
مها : انشا الله ان شالله
سلمى : تصبحين على خير
مها : وانت من اهله
صكت الباب سلمى اول ماطلعت
مها : اووووووووووف الله لايسامحك يايوسف حتى الكذب تعلمته من عرفتك

اليوم الخامس من غياب مها
بعد محاضرة يوسف
كانت امل آخر من خرج من القاعه وقبل توصل للباب
يوسف : انسه امل
لفت امل بجسمها كله : نعم
يوسف : كيف حالك
امل باستغراب : بخير
يوسف بتردد: اين مها لماذا لا اراها معك
امل : لا اعلم عنها شى لا ترد على اتصالتي .... ولكن لماذا تسأل
يوسف : لا شي ولكنها طالبه مجتهده والغياب يؤثر على مستواها
امل بخبث : مستواها
يوسف بحزم : ماذا تقصدين
امل : لاشي
طلع يوسف من القاعه وترك امل اللي بسرعه طلعت تلفونها

امل : يووو تلفوني للحين صامت .. خليني اشوف المكالمات اللي فاتت
لقت مكالمات لمها ورساله منها (( عندما تستيقظين من النوم كلميني))
دقت علي معا على طول :
مها بصوت نعسان : الو
امل : صباح الخير ياكسلانه
مها : هلا والله امل .. وينك امس دقيت عليك
امل : الحمد لله على السلامه اولا ... ولهت عليج وايد ثانيا .. وكنت نايمه ثالثا
مها :ههههههههههههههه..طيب كيف حالك
امل : تمام انت وين هالغياب
مها : تعبانه والله يا امل المهم اخباركم؟؟؟ ....و وين الخاينه هدى ما لقيت الا اتصالاتك
امل برتباك : والله مادري المهم في شي صار يهمك
مها : عن هدى ؟؟
امل : لا عن يوسف
مها : مات
امل : ههههههههههه حرام عليك لا لا سال عنك
مها قلبها قام يدق بسرعة وارتجفت : وش يبي مني ذا
امل : هههههههههههههههههه يقول الغياب ياثر على مستواك
مها : لا والله .. السخيف .. بس خليه يولي عطيني هدى
امل : هدى ..ها
مها : وش فيك أي هدى ..
امل : صراحة مدري وش اقولج
مها بسرعة وخوف : امل هدى فيها شي
امل : هديئ اعصابج تراها ماتستاهل منج جذي
مها بنفس اللوعه : امل هدى وينها
امل : انا ما اكلمها من اسبوع
مها : ليه وش صاير؟؟
وقالت لها امل على اللي صار من هدى وموقفها من كلام جين
مها : اووووف خوفتيني عليها احسب صار لها شي
امل : يعني مر عليك الكلام وما اثر
مها : انا عاذرتها تدرين وش كثر هي تحب فهيدان .. وجين كنها تدري جت على الوتر
تدرين لو قايلتلها جين الكلام ذاك وجايبه سيرت أي واحد الا فهد كان هدى اكلتها تبن
امل تقاطعها : لالا موعذر حبيبتي اهي تعرفج زين وتعرف التبنه جين وش حقه تصدق
مها : اقول مو على هدى انا ماارضي
امل : الحين وانا زعلانه علشانج جذي ردج يالخبله
مها : انت ماتعرفين هدي وحبها لفهد
امل : ياحياتي يامها والله الجامع من غيرج ولا شي
مها : يو كل الناس تقول نفس الكلام مدري وش اسوي ياربي
امل : امش يالغرور
مها : هههههههههههههه باي الحين اشوفك بكره موووووووه
امل : باي يالمغروره هههههههه

............................................
قررت مها ان تنسي وتبدا من جديد وماراح تحط نفسها في مواجهه مع هذا الشخص
الكريه تبغى ترجع تضحك من قلبها كفايه اللي صار لها في الكم يوم اللي فاتت
لما حطت نفسها في مواجهه معه
ومن جهه ثايه شيطان فكرها يقول (( وين التحدي والعبره في من يضحك اخرا نسيتي ))هزت راسها بقوه كنها تلغى هذى الافكار
تقول لنفسها انا ماصدقت بابا يرضى اصلن لما يعرف بيزعل
وترجع لها لافكار الشيطانيه (( اصلن انت جبانه ))
مها : اوووووف اقوم اخذ شور احسن

البست تنوره سودا تحت ركبتها وبلوزه بيج باكمام قصيره ورفعت شعره بشكل مرتب وحطة مسكار
وقلوس وبلشر مشمشى وحطة العطر المميز لها وطلعت

وعند شقة امل وهدى
امل : صباح الخير ( سلمت عليها ) الحمد لله على السلامه
مها : الله يسلمك كيف حالك ؟\
امل : تمام .. حبيبتي مشتاقه لج حيل .. صراحه الجامعه مالها طعم بدونج
مها : تسلمي ياعمري
امل : يالله امشي ليه واقفه
مها : ليه وهدى ؟؟
امل : لا لا طلعت امبجر
مها : وراه .. (ليه)
امل : مادري عنها
مها : للحين ماتكلمون مع بعض الله يهداكم

وصلوا للجامعة وكانت مها عيونها تدور تدور هدى ولا لقتها
امل : هيه ... انت المحاضره
مها ارتبكت وبان عليها انها ماودها تحضر هالمحاضره
امل : انطنش؟؟
مها : لا وليه ويمكن انشوف هدى هناك
وصلو القاعة وشافوا هدى قاعده لوحدها وأول ما شافتهم ابعدت وجهها الجهه الثانيه لكن مها جلست بجنبها
مها تدفعها بكتفها : ما في هلا ولا مرحبا ولا الحمدلله على السلامه ولا اشتقنا مثلا
هدى : .........................
مها وهي تلف وجه هدي عليها : السلام لله
تبتسم هدى غصب .. مها طيوبه وتحب صديقاتها لانها تعدهم مثل خواتها واكثر
قامت هدى وسلمت عليها وقالت لهابصوت واطي: امل قالت لج شي
مها تهز راسها وتغمض بعيونها: كل شي
هدي: هييييييييييييه
دخل الاستاذ جوزيف حط الاوراق اللي بيده علي الطاوله اللي خاصه فيه
رفع راسه وقال : صباح الخير
اصوات متفرقه منخفضه : صباح الخير
جت عيونها بعيونه وابتسم ابتسامه فيها سخريه
طول المحاضره مها على اعصابها وكانت تلهي نفسها بالكتابه ولا ارفعت عينها
له وكانت تردد بينها وبين نفسها ((انا جايه ادرس)) مرات ودها تطلع من
القاعه ومرات تقول لنفسها لا يابنت خلك قويه
لكن الاحساس الاقوى انها ماهي طايقه تسمع صوته
اما هو فكان ينتهز كل فرصه ينشغل فيها الطلبه عنه ويسترق بعض اللحظات علشان
يتامل هذا الحسن الرباني اللي كان يجبره رغم انه مايحب هالتصرفات انه يدقق
في ملامحها الي ان حفظها
ودايم مايدري وش سبب هالشعور وصوت في داخله يقول
(اكره دلعك وعنادك لكن شي غصب عني يخليني ادورك وابي اشوفك ..ايش هو؟؟ حب .. ؟؟؟؟
لا لا وانا فاضي لكذا
ايش ؟؟
ايش )
كان يشرح وده يسمع صوته بنفس الاحساس اللي ماهو عارف يفسره
قام يسال الطالبه والطالبات عن المحاضره
وكان نصيبها سؤال
ارفعت عيونها وجت بعيونه حس انه مشتاق لها مررررره وكان صوتها يشعل هالاحساس فيه
ولا انتبه اذا كان اجابتها صح او لا
ولسان حاله يقول (( وبعدين يايوسف))
انتبه لما انتهت من الاجابه قالها : اجلسي شكرا

انتهت اطول محاضره مرت على مها واقصر محاضره مرت على يوسف حس ان ما وده تنتهي
اطلعت مها بسرعه وهي تسحب هدى
وقفت هي وياها قريب من القاعه
مها : الحين تقولين لي ليه زعلانه
هدي : مافي شي
مها : الله
هدي : مها انا اسفه
قرب يوسف منهم واول ماشافته هدى سكتت وقامت تناظره
مها لاشعوريا التفتت علشان تشوف اللي شغل هدي وسكتها
اول ما شافته صار قريب منهم سكتت ولفت وجهها باتجاهه
يوسف : انسه مها
مها : ..........
يوسف : من فضلك ابلغي والدك انني اريد مقابلته
مها وهي متفاجاءه: والدي وماذا تريد منه
يوسف ببرود : لايعنيك ابلغيه فقط
مها بغضب وتكلمت بالعربي: انا ما ادخل بابا في السخافات اللي تحصل لي
يوسف يرفع حواجبه بخبث : وهل انت خائفه
مها : هه مسكين
هدى ترقع الموقف : مو مسألت خوف بس مافي داعي
يوسف : اريده في شي خاص بي
مها : خاص!!!!
ناظرت فيه من فوق الي تحت وبعدين اخذت ورقه من دفترها وكتبت فيها رقم جوال ابوها واسمه : رتب امورك لوحدك انا لاشأن لي
يوسف يقرا بصوت مرتفع : عبدالله الجاسر .... اممم شكرا
مشت مها مع هدي وهو واقف بدون لا ترد عليه

هدى : وش يبي في ابوج
مها : انت وش اخبارك >>>> تغير الموضوع
هدي : اتهقين بيخطبج !!
مها ضربت هدى بالكتاب : استغفر الله
هدي : اتهقين يبي وظيفه ؟؟؟ ههههههه
مها : وين امل .. ابي اروح هذي ماينسولف معها
هدي بسرعه احضنت مها : مها سامحتيني
مها وهي تشد شعرهدي: اكيد يالخبله
هدى : يالله نراضي امل انا وايد مشتاقه لها
مها: يالله
هدي : بعد علشان تقول توقعاتهاعن جو هههههههههههه
مها: هذي كيف اتفاهم معاها ههههههههههههههههههههههه
كان منظرهم فرحانيين ببعض ويحبون بعض حيل زهذا الشي سبب لتقرب الكثير لهم

شكرآآ روووعة

قصه حلوو يسلمو الك
دلووعه
شكلك انتي بتحبي القصص كتير ؟؟
قصة أنت قدري ** جناااااااااااااااااااان - صفحة 2 434219

الأُمُيًْر الصٌغيٌُر كتب:: شكرآآ روووعة

عفواا

مرورك الأروع

كرستيانو رونالدو كتب:: قصه حلوو يسلمو الك
دلووعه
شكلك انتي بتحبي القصص كتير ؟؟

مرورك الأحلى كريسسسس

كتيير بحبهم لما اخلص من وحدة بدور ع تانية لاقراها وبالزات بالخليجة غيرها لا

البارت السابع

انت قدري

بعد يوم طويل .... والمحاضرات رجعت مها
وكانت على سفرة العشاء مع العائله

مها وهي تسوي نفسها مشغوله بالاكل: بابا ((تتنحنح)) اليوم الاستاذ جوزيف اخذ منى رقمك

ابو عادل : وش يبغى
مها : يقول شي خاص فيه
ابو عادل : طيب يصير خير

.
مر الاسبوع تقريبا عادي على مها ارجعت الي طبيعتها لما ابعدت يوسف عن
تفكيرها ...لكن يازم تفكيرها لما تجي تنام تتذكر نظرته لها وهو يقول (( انت
جايه تقولين انك تحبيني؟؟))
تقول في نفسها ((ليه ياربي اعتقد كذا انا وش سويت علشان يعتقد كذ)) لكن بسرعه ترجع لطبيعتها لما تتذكر انه واحد مغرور .....

الاسبوع الثاني
مر عادي جدا لكن الشي الغريب فيه ان جوزيف كان معتذر عن محاضراته

الاسبوع الثالث

في القاعه رقم 522 الطلبه والطالبات فوضه واصوات وازعاج ينتظرون حضور جو ..
تهدي الاصوات تدريجيا لما دخل الدكتور سمث
واحد من الطلبه وهو جلس بصوت عالي : هذه قاعة محاضرة الاستاذ جوزيف يادكتور
دكتور سمث بصوت وقور وهادي وهو جاس يقلب الاوراق على الطاوله : انا لست مخطئ في دخول القاعة انا من سيكمل باقي المقرر

اصوات الطلبه : لماذا..
ذلك افضل
آوووه
لالا جو يجيد ايصال المعلومات
من سيضع الاختبار
لااااااااااء
تعليقات كثيره سكتت بمجرد بدء الدكتور سمث بالكلام : الرجاء التزام الهدوء .. وبدء المحاضره
وماقال سبب غياب جوزيف

بعد المحاضره

امل : وين راح جو
مها : .........
هدى : يمكن اطردوه من كثر مصايبه
امل : وش اطردوه لالا مااعتقد
هدى : او يمكن ولى لاهله اجازه
امل : اجازه الحين ؟؟؟ وتلتفت على مها اللي كانت ساكته ولا قالت أي تعليق: وانت وشفيج ساكته ماتحجين
مها برود : وش اقول
امل : أي شي ..ولى.. طفش.. مات
مها : وانا وش دراني عنه ... وبعدين غيروا الموضوع ماهو باكبر همومنا
هدى : امش ياام الهموم ... اقول صج وش كان يبي في ابوج الاسبوع اللي فات
مها تكتفي برفع اكتافها >>>>>>>>> يعني مادري
هدى : يعني شنو (( وترفع اكتافها تقلدها )) هو راح ماراح ابوج ماياب لج طاري
مها : صدق انا ماعندي علم وبابا ماقال شي
امل : ولا اسالتيه
مها : ولا سألته
هدى : موت يالثقيله ( وتكش عليها )

في مكتب سلمي
يدق جوال سلمى ترفع ولا تناظر بالمتصل
سلمى : الو
خالد : امـــــوت بالصوت وراعيته
تبتسم سلمي : يابعد عمري
خالد : صباح الحب.. والشوق ..والغلا
سلمى : بس يس ترى انغر
خالد : ياقلبي انت لايق عليك كل شى .......انغري ... انغري ياحلو ذا الغرور
سلمى: ماخليت لي شى من الكلام ..الحلو .. يبكاش
خالد : بكاش .. (( يقلدها ))
سلمى : ايوه .. وين كنت امس .. لا رساله ولا الو
خالد : كنت مع الوفد الايطالى الله يرجه ... ولما فضيت كان الوقت متاخر قلت اكيد نامت .. والا انا استغني عن حياتي
سلمى : اضحك علي ... اضحك .. اكيد الوفد في بنات حلوات واشغلوك
خالد : ياناس .. احبها واموت فيها .. بس هبله
سلمى: ههههههههههه ليه
خالد: اصلن لا زم تكونين متاكده وباصمه بالعشر ان عيوني ماتشوف اجمل منك بالدنيا
سلمى : اكيد؟؟؟؟
خالد : ياحلو الغيره ... اكيد ونص
سلمى : انت وينك الحين
خالد : ايه نسيت انا عند باب الشركه انزلي
سلمي : هههههههههه شركة ابوك .. اطلعي اطلع
خالد : عااادي انا طالع
سلمى : اش اطلعي .. لا تعطلني
خالد : تعطلني((يقلدها )) اقول انزلي احسن اطلع اصفط خشة مديركم واطلعك غصب
سلمي تحاول تكون جد: والله عندي شغل
خالد : افااااا ماانت مشتاقه تشوفيني
سلمى : ايوه
خالد : طيب مع السلامه
سلمى : زعلت
خالد : لالا وليه الوعل اشوفك بعد الدوام .....يالله باي
سلمى : اوكيه .. باي حبيبي

بعد خمس دقايق من المكالمه
سلمى : هييييييييييي لازم تسوي اللي براسك
خالد : وش تبين .. انا ماني معطلك عن شغلك ابي اقعد هنا (( وياشر على الكنبه البعيده )) لكن جا وجلس بالكرسي المقابل لها
سلمى : خاااااااااالد مااعرف اشتغل وانت كذا
خالد : كيييييييييفك
سلمى : والله مااعرف اشتغل وابغى اخلص
خالد : انا مااتكلم والله .... اشتغلي ... اشتغلى
سلمى ترجع للكمبيوتر وهي تهز راسها ((يعني مافي فايده )) وقررت انها اتجاهل
وجوده علشان تخلص الشغل اللي بدت فيه لكن كل ما صارت عيونها بعيونه عطاها
بوسه بالهوى
ويحاول يعمل صوت بالمكتب ويلعب بالاوراق

سلمى تداري ضحكتها : اوووووووف (( وتحاول تعقد حواجبها علشان تبين متضايقه ))
يمس القلم ومرات يدق ازرار بالكمبيزتر .. واخر شي قام يلعب بجوالها يغير بالنغمات
سلمي : والله فاضي وبعدين معاك

خالد : اشتغلي ..اشتغلي (( وهو مركز بالجوال يغير بالنغمات))
سلمي : ماني عارفه
خالد : اجل ليه متوظفه امشى افصلي
سلمي : لا والله
خالد : أي والله ونتزوج بكره
سلمي : خلني اخلص بسرعه علسان نطلع .. يالله خلودي
خالد : انتبهي لا تقولين خلودي اروح لابوك
سلمى : اقول امش امش .. ماوراي شغل وانت عندي لازم نفذ اللي براسك
خالد : وين لسفاره
سلمي: وليه السفاره
خالد : اللي براسي مايتنفذ الا بالسفاره
سلمى تفهم عليه وتستحي
خالد : ياناس ياحلو الحياى على اهله ...اموت عليها وهي تستحي عســــــــل
سلمى تضربه بشويش :بكاش
خالد : عسل
سلمى : وانا انفصلت يالله نطلع
خالد : احلا كلام

في مكتب ابوعادل

السكرتير : سيد عبدالله
ابوعادل : نعم
السكرتير: شخص بالخارج يستاذن بالدخول
ابوعادل :من؟؟
السكرتير: هذا الكارت الخاص به
ابوعادل يقرا الاسم وقبل يكمل باقي الكارت .. اسمح له بالدخول
دخل يوسف الي انن وصل الي المكتب الفخم اللي كان ابوعادل واقف وراه باستقباله
يوسف يمد يده لمصافحة ابوعادل : السلام عليكم
ابوعادل بابتسامه عريضه : اووه بالعربي ويمد يده ليوسف : وعليكم السلام
يوسف : اسف اني جيت بدون موعد سابق لكن انا بلغت كريمتكم
ابو عادل : قالت لي .. وكنت منتظر مكالمه منك .. اجلس تفضل.. وشتشرب
يوسف : لا شكر ولاشي
ابوعادل : اطلب قهوه عربيه اكيد واحشتك
يوسف: هههههههه صراحه مره
ابوعادل : ها يامحمد عسى الموضوع ماهو عن مها
يوسف : اسمي يوسف ... وانسه مها مالها دخل بموضوعي
ابوعادل يحس بارتباك : اووه اسف يوسف ... اتفضل
كان يناظر فيه ويقول في نفسه سبحان الله نسخت محمد
يوسف يفجر قنبله المفاجءءه بالنسبه لابوعادل واللي خلته مرتبك مره لما قال
يوسف : كثير يقولون اني اشبه ابوي الله يرحمه(دقه قويه بقلب ابو عادل)
اذا تعرفه وانا لاحظت في تشابه باسم العائله
ابو عادل وكان جبينه معرق والارتباك باين عليه : لا لا مجرد تشابه اسماء .. ولنا زهمتك بمحمد اكيد انا تخربطت لما قريت كرتك
يوسف : لكن اسم الوالد ماهو بموجود بالكرت
ابو عادل يرتبك اكثر : اوه انا اسف يمكن مها قالته مره .. ايوه مها ....مها
يوسف باستغراب: ومها وش دراها عن اسم ابوي
ابوعادل وهو يحاول يقطع الموضوع: ماعلينا ..... وش كان موضوعك

هنا توصل القهوه ......... والساعي يقدم الفنجان االعربي ليوسف : تفضل ياسيدي
يوسف : ههههههههههههههه اووووه انت تبي ترجعنا لديره
ابوعادل يزيد ارتباكه لماسمع ضحكت يوسف كأنها ضحكت محمد اللي كنها اجرس اترجعه للماضى

((محمد : اقول عبدالله صدق عقب وقفتك معي بعرسي والفلوس اللي دفعتها رغم انك احوج مني لها اذا الله رزقني بولد مشتهي اسميه عبدالله
عبدالله : لو داري انك بتسمي باسمي كان زوجتك امي ههههههههههههههههههه
محمد :هههههههههههههههههههههههههههههه الله يقطع سوالفك
عبدالله : لا اذا تبي اسمي المولود مافي مانع
محمد :انت ابوه وسمه
عبدالله : وش رايك اسميه يوسف
محمد : ابو يوسف صار بس خلها تجيب ولد .. وحتى اذا بنت يوسفه ههههههههه
هههههههههههههههههههههههههههههههههه))
وبدون انتباه كب فنجان القهوه عليه اللي خلى ايوعادل يطلع كل الارتباك في الساعي المسكين
يوسف يهدئ الموقف : خير انشالله خير
ابوعادل في نفسه (وش خير وانت وصلت لحد مكتبي) :اوووف
الساعي المسكين منكسر ويصب قهوه مره ثانيه لابوعادل
ابوعادل : اترك القهوه وانصرف
يوسف يحاول يهدئ الموضوع وهو يشرب القهوه : امممممم وشلون علمتوه يسويها
ابو عادل يهدء :اعجبتك
يوسف : مره
يقوم ابوعادل ويجلس مقابل ليوسف على الكنب الجلدالفخم يبغي يصب له قهوه مره ثانيه وكانت ايده فيها رجفه بسيطه
يوسف : عنك عنك
ابوعادل يحافظ على هدوءه : لالا انت الضيف وهذا واجب علينا
يوسف : الله يعز شانك ... انا ياستاذ عبدالله في مرحلة الدكتوراه مثل ماتعرف وموضوع البحث صعب ونادر والكتب اللي...
ابوعادل في نفسه ((وهذا اللي جابك الله يرجك )) وهنا احس بالراحه
يوسف يكمل : والكتب نادره شوي ونصحني الدكتور سايمون زميلك اني الجاءلك لانهم يعرفون حبك لاغتناء الكتب
ابوعادل يرجع لطبيعته ويبين على وجهه الراحه : وصلت على خير أي كتاب يكون عندي تحت امرك
يوسف : صراحه مدري وش اقولك ... لكن الف شكر لك
ابوعادل : لكن مكتبتي في البيت يعني يبيلك تتفضل عندي في البيت وتشوف اللي تبغى
يوسف : الف شكر ... ياستاذ عبدالله ( وهو قايم ) انا اعتبر هذا جميل ودين على
ابو عادل : الامر مايستاهل ......وانا حاضر ولاتنسى انك سعودي هههههههههه ولوانك انكرت اول مره
يوسف : ههههههه والله ياستاذ انا افتخر اني سعودي ةلاانكرت غير من هالواسطات اللي مايخلونها العرب حتي بالمريخ
ابو عادل : هههههههههههه صادق
ودعه ابوعادل على وعد انه يجيه في البيت ....بكره المسا

سلمى وخالد قدام اتليه
كان معروض فيه فستان عروس روعه
خالد : هممم وش رايك
سلمى : يجنن ياخالد
خالد : وليه حنا مأجلين الموضوع انا ولله الحمد قادر افتح بيت واحبك ... واظن ماله داعي هالتأجيل
سلمى : واللي قلته لك
خالد : يابنت الحلال كل شي له وقته
سلمى : وش وقته .. هذا شرط ياخالد توافق عليه نتزوج من بكره
خالد : ياحبي بس اجتمع معاك انشالله نعيش في اسرائيل
سلمي : ياحبيبي ياخالد
خالد : حددي لي موعد مع ابوك علشان نتفق على موعد الزفاف
سلمى : طيب ((وهي مستحيه ))
خالد : اموت على حياها ياناس

....................

في بيت ابوعادل

كانت مها جالسه وراى المكتب الصغير اللي في غرفتها تحاول تبدأ مذاكره للاختبارات اللي بيدخل وقتها بعد شهر بالضبط
لسان حالها يقول
هو ليه ماجاء للكليه؟؟
ليه اعتذر عن المحاضرات ؟؟
وش الموضوع اللي يبي بابا فيه!!! ؟؟؟؟
اتصل على بابا اسأله ؟؟
اووووف الله يرجك ياهدى انت وهالافكار
ذاكري يابنت احسن لك
تحاول تبدى لكن مافي فايدة الافكار ذي مسيطره على تفكيرها
فقررت انها تغير جو وتروح تجلس مع سلمي اللي االحين اسمعت باب غرفتها ينفتح

مهاعند باب غرفت سلمى

مها : سلمى
سلمى وهي تفتح الباب : اهلين وسهلين
مها : ماشاء الله وش هالابتسامه الحلوه
سلمى : ادخلى
دخلت مها وجلست على طرف تسريحتها وهى تقول لها : ها قولي هاتي ماعندك يابنيتي
سلمى : خالد يامها خالد وافق على شروطي
مها : أي شروط
سلمي : انا قلت له مابي اترك شغلي .. ولا اروح اعيش معاه في السعوديه ابغي اظل معاه هنا .. قريب منكم
مها : واهله ؟؟؟؟؟؟؟؟ وش هالشرط الغريب
سلمى : لالا اااا نروح زياره لاهله مايخلف بس اعيش هناك مستحيل
مها : بس مصيره يروح
سلمى : لاااا خلاص اقتنع يجلس هنا على طول
مها : ان كيدهن عظيم
سلمى : شوف ولا هي فرحانه اني مابفارقكم
مها : يوووو يعني تبغين تظلين غاثتنا ... حسافه
سلمي وهي تضرب مها بالخداديه غاثتكم هااااا .. انا اوريك
مها تهرب منها وتجري وراها سلمي وهي تضحك لتحت
صارت مها ورا جدتها : امانه جدووده
الجدة : بسم الله الرحمن الرحيم وش بلاكم
سلمي وهي حاطه ايديها في خصرها: جدووده تقول انا غاثتكم بالبيت
الجدة : ههههههههه وهي صادقه
سلمى : ياسلام

ابو عادل وهو داخل : اصلن سلمى نور البيت
سلمى تعدل وقفتها : شوفوا الناس اللي تقدر (وتجي تسلم على راس ابوها )
مها بعد ماسلمت علي راس ابوها : بابا وانا
ابوعادل : انت لمبه خربانه ههههههههههههههههههه
مها : افااااا
ابو عادل وهو يقرب يجلس جنب امه ك ولا وش رايك يمه
الجده : الله لايخليني منكم
ابوعادل : مهاتي انت الخير والبركه بس حطي شنطتي بالمكتب
مها: حاضر بابا
اخذت من يد ابوها الشنطه وملف اوراق
ودخلت المكتب بدون لاتفتح الضوء لانها حافظه مكان كل شي لكن الخدامه غيرت
مكان الكراسي علشان كذا مها تعثرت وطاحت منها الشنطه والملف وانتثر كل اللي
فيه
مها : أي اييييي
وتقوم بسرعه تفتح الضوءعلشان سلمي ماتجي تضحك عليها
لمت الاوراق في الملف وبين الاوراق لقت كرت يوسف
مها لنفسها : يعني راح لبابا
مها لما حست ان ابوها جاء للمكتب حطت الكرت لاشعوريا في صدرها ولمت الاوراق في الملف والشنطه
ابوعادل : وش فيه
مها طحت بابا
ابوعادل :ههههههههههه سلامات
مها بارتباك مالاحظه ابوها: حطيت الشنطه على المكتب تبغي شي ثاني بابا؟؟
ابو عادل : شكرا بابا

مها وهي طالعه من المكتب : ياربي انا وش سويت انا الحين يفقد الكرت
تطمن نفسها : وانا وش دخلني اذا سالني اقول ماشفيه

مها : ابغي اروح اذاكر ياغثيثه تبغين شي
سلمي : يالمبه خربانه هههههههههههه
دخلت مها غرفتها وطلعت الكرت تقراه
أ .يوسف الجاسر جامعة : ..........
ت:....................

الي ان نا مت مها وهي تناظر بالكرت وتعيد قراءته

حطت الكرت بالمذكره وهي مازالت تسال نفسها وش هالفضول الغريب من جهة هالرجال بالذات
ونامت بعد ماكلمت هدى وامل وقالت لهم علي اللي صار واتفقت معاهم انهم يجون لها في البيت بكره بعد المغرب

اليوم الثاني بعد المغرب

مها في انتظار صديقاتها لابسه فستان روز ناعم قصير بدون اكمام مبرز مفاتنها
وفاكه شعرها الليلي الغزير الطويل الي نهاية ظهرها حاطه بلشر لونه وردي
ومسكار مثقلته شوي ومثقله لون الروج الروز
وراسمه جواجبها اللي معطيتها منظر كنها طالعه من روايه وعطرها يملا المكان

وصلوا صديقات مها وقعدوا معاها هي وسلمي وجدتها وكان الجو رايق مزح وتعليق من هدى وسلمى اللي خلو الجلسه وناسه مره
والساعه ثمانيه مساءا ونص
استاذنوا لانهم تاخروا ولا قدروا يطلعون الي ان وعدوا الجده بزياره ثانيه لانها حبتهم مره

وصلتهم مها للباب ورجعت داخل

الخدامه ليزا : انسه مها هناك شخص بالباب يسال عن الدكتور عبدالله
مها :من؟؟
اليزا : لااعرف ولكن يبدو انه من اصدقائه
مها : اصدقاءه لايزورونه في البيت
وراحت مها علشان تشوف من اللي في الباب
مها وهي متفاجئه : استاذ جوزيف
يوسف : السلام عليكم
مها : ..................... متفاجئه مره
يوسف : الاستاذ عبدالله موجود؟؟
مها :لا
يوسف : لكن هو معطيني موعد الحين
مها : اذا كان عطاك موعد اجل بيجي اتفضل انتظره
يوسف : لا لا عادي امر عليه مره ثانيه

هنا وصل ابوعادل : هلا يوسف اسف تااخرت عليك
يوسف بابتسامه سحرت مها : لا ابد على الموعد
ابوعادل : اتفضل ...اتفضل
مها كانت واقفه ماهي عارفه السالفه
دخل ابو عادل ويوسف ومها تمشي وراهم
الجدة كانت واقفه تبغي تروح لغرفتها اتصلي اول ماشافت يوسف اشهقت وقالت بهمس : محمد

قرب منها ابو عادل وضيفه

ابو عادل : السلام عليكم
الجده : وعليكم السلام
ابوعادل : هذى الوالده
يوسف وهو يصافحها : هلابك يمه
الجده وهي تبلع ريقها : هلا ياوليدي
ابوعادل يناظر بمها المستغربه : بابا سووا لنا قهوه وهاتوها للمكتب
مها : حاضر
ابوعادل : تفضل داخل المكتب
دخلو المكتب وصكوا الباب
الجده واقفه بمكانها وهي متفاجاءه : ياسبحان الله كنه ابوه
مها : ابوه ..من تعرفين ابوه
الجده تستدرك : اقول عبدالله في كرمه كنه ابوه
مها : جدوده تعرفين من هذا
الجده : لا
مها : هذا الاستاذ اللي طردني
الجده ماهي متفاجأءه لان الوصف نفسه اللي قاله لها ولدها
مها : جدوده
الجده : وش بك
مها : اقول اللي طردني
الجده : ابغي اروح اصلي احسن

بعد مااجهزت القهوه مها تدق الباب وبيدها الصينيه
ابوعادل : ادخل
دخلت مها ومعها صينيه قهوه وحلا
يوسف قام أخذ منها الصينيه لاشعوريا وهو يقول : مها بنفسها جايبه القهوه وهالتواضع

مها وهي ترفع حواجبها :ليه وش عارف عني
يوسف يرتبك : لا بس اللي مثلك مفروض يخدمونه الناس
مها من غير نفس : واللي مثلك ينخدم
يوسف : شكرا
ابوعادل : انت فاهم غلط مها متواضعه جدا وكل اعيالي كذا
يوسف يتنحنح :طبعا طبعا الحب على بذره
مها تناظرابوها : تامرشي
ابوعادل : لابابا شكرا
طلعت مها وهي تجر رجليها جر تبي تسمع لو طرف من الموضوع اللي بينهم
لكن ماتكلموا الي ان اطلعت وصكت الباب
كانوا يتكلمون عن موضوع الرساله وعطاه طرق تساعده فيها
قام ابوعادل بعد ماقهوى يوسف وطلع مجموعه من الكتب القديمه وهو يقول :شوف يامحمد
يوسف يبتسم : الظاهر مصر على اني محمد
ابوعادل يتنحنح كنه ماهو مهتم بالموضوع : ماعلينا كنت اقول هذي الكتب نادره بتخدمك في رسالتك
يوسف وهو يناظر للكتب وكنها كنز من السما : انا مدري كيف اشكرك
ابوعادل : عاد ابغي اسمع عنك اخبار كويسه
يوسف يشيل الكتب يبغي يطلع : الله كريم يااستاذ عبدالله ....عاد انا استاذن الحين
ابو عادل : مايصير تعشى معنا
يوسف : كفايه كرمك وتري اقهوة مها عن ذبيحه
ابو عادل : ههههههههههههه ياستر لا العشاء يارجال
يوسف : مره ثانيه
ابوعادل : أي كتاب تحتاج عن هالموضوع انا حاضر
يوسف يلف براسه على المكتبه : مشاالله شكل مكتبتك عامره ............
وفجاءه طاحت عينه على صوره معلقه بالمكتب جهة الباب وقال في نفسه ((هذى
الصوره عندنا بالبيت ))

ابو عادل لاحظ تركيز يوسف على الصوره بلع ريقه بارتباك : هذي صوره الوالد
يوسف يخبي تفاجاءه علشان مايلاحظ ابوعادل : والله ... يشبهك .. هو موجود
ابو عادل : الله يرحمه مات من زمان وانا وحيده
يوسف : الله يرحمه........... ويطول عمرك
ابوعادل : الله يسلمك
قام يوسف علشان يطلع : انشالله ارجع الكتب في اسرع فرصه
ابو عادل وهوقايم علشان يوصله :عندك كنهم عندي خذ راحتك
يوسف :استريح انا اعرف الطريق ... ومشكور ياستاذ عبدالله على الثقه والاستقبال
ابوعادل في نفسه ( ماتدري وش كثر ابوك كان غالي ) : ماسوينا شي
وطلع يوسف لوحده بعد ما حلف على ابوعادل مايوصله

لقي مها جالسه علي كرسي احمر كأنها الماسه ثمينه في علبة هديه منظر لايقاوم خلا يوسف يتامل لثواني
وهو على الحال صدم بعادل اللي كان توداخل وطاحت الكتب من ايده

عادل : اوووه اسف
يوسف انا اللي اسف مااخذت بالي
مها تحركت من مكانها وجمعت الكتب معاه مدتهم له ولما اخذ منها لمس اطراف اصابعها الناعمه
وهمس بحنان غير معهود :شكرا
وعادل عطاه الكتاب اللي بيده : المعذه يااستاذ..........
يوسف : يوسف ....... ومافي شي انا الغلطان
عادل : تشرفنا ياستاذ يوسف انا عادل الجاسر وصافح يوسف اللي طلع ومنظر
مها وجمالها يغازل مخيلته ركب التكسي وهوسرحان ماقطع افكاره الا صوت سواق
التكسي:استاذ الي اين
عطاه العنوان .. ورجع يفكر لكن ماهو بمها هالمره بصوره الرجال اللي علي الجدار

دخل بيته وكان محمد مابعد جا ء
طلع الجوال واتصل على اهله
يوسف : صباح الخير
العم احمد وصوته نايم : هلا يوسف... كيف حالك
يوسف : الله يسلمك ..كيف حاك انت
العم احمد : بخير دام انت بخير
يوسف : عمى
العم احمد : آمر
يوسف : مايامر عليك عدو ... الصوره اللي يمين صورة جدي بالمجلس الكبير صورة عمك عمك
احمد : وش هالسوال
يوسف : ايه جاوبني
العم احمد : صورة عمي عبد الرحمن ابو عبدالله الله يرحمه بس ليه تسأل
يوسف : اخو جدي
احمد : انت وش بلاك ايوه عمي اخو ابوي لزم بس وش المناسبه
يوسف : لا بس انا شفت الصوره في بيت واحد مليونير
احمد : منهو
يوسف : اسمه عبدالله الجاسر
احمد يتعدل من فراشه متفاجئ : وين لقيته
يوسف: دكتور بنفس المجال اللي انا احضر فيه الدكتوراه ورحت استعين فيه .. واخذت منه كتب
وانا ادرس بنته بالجامعه
احمد بيي يتاكد : بنته سلمى؟؟؟
يوسف : لا اسمها مها عمى ... لكن في شي غريب صار
احمد : وشهو ؟؟؟؟
يوسف : مرتين يغلط و يناديني محمد ولما قلت له اتعرف ابوي قال لا ماعرفه
احمد يتنهد : يوسف ابعد عن هذا الرجال اذا تبغي رضاي
يوسف : ليه
احمد : انا قلت لك هالكلام وبس
يوسف بتعجب : هوينكر معرفته فينا وانت تطلب مني ابعد عنه وش الحكايه
احمد : مصيرك بتعرف ليا خلصت دراستك ورجعت انا اقولك لكن الحين ابعد عنه
ولا يكون لك به أي علاقه .. حتى بنته اللي تدرسها خل علاقتك معها رسميه جدا
يوسف : لكن الرجال اخلاقه عاليه وله جميل علي
احمد بغضب : ماله جميل هو اللي قاعد يرد لك الجميل
يوسف : وش ذا الكلام
احمد : لاتطولها وهي قصيره اذا تبغاني ارضى عنك ابعد عنه وحتى لو وقفت ادراستك عليه اتركها وتعال
يوسف : لذي الدرجه .. لكن الرجال محترم
احمد : يوسف !!!
يوسف : خلاص ... انشالله
احمد بتودد: اوعدني يبه
يوسف : انشالله انشالله ...

وسكر يوسف التلفون والافكار تاخذه يمين وشمال
رجال محترم وولد عم ابو وعاملني بذوق .. ليه عمي يبغاني ابعد عنه .. وليه هو ينكر معرفته فينا.....

وش السر؟؟؟

البارت الثامن
أنت قدري

في بيت أبو عادل
كان ابو عادل في غرفة الجدة
أبو عادل : شفتي يمه شلون الشبة بينه وبين أبوه الله يرحمه .. والله إني
حسيت إني واقف قدام محمد أتصرف لاشعوريا لو يبغي عيوني كان أعطيه
الجدة : عبد الله ياوليدي اكفينا شره وشر عمه هذا اللي يتودد لك الحين
لو يعرف انك ذباح أبوه يمكن يصير مثل عقلات عمه ويذبحك .. اكفينا شره
ياوليدي بس
أبو عادل بزعل : أنا ما ذبحت أبوه متعمد .. هو في واحد يذبح نفسه ... محمد كان مثل نفسي علي
الجدة : هذا انت تقول هالحكي بس منهو اللي يصدق احمد والا يوسف.. وبعدين
انت نسيت ان مها تقول انه شايف نفسه .. وعصبي .. يعني مثل احمد .. والحب
على بذره ياوليدي
ابو عادل : يمه ليه حظي كذا
الجده بعصبيه : اسمع يا ولد .. أنا ما تركت أهلي و ديرتي والناس اللي افهم هرجها مشان يجي تربية احمد ويذبحك وأنا أشوف
ابو عادل : أنت الحين حطيتيه شايل أسلاحه وجاي يبغي يذبحني
الجدة : إن ماشاله اليوم يشيله باكر وأنا ماني مستغنية عنك

\\\\\\\\\\\\\\\\\\\\\\\\\\\\\\\\\\

مر شهر على الموضوع ولا كان في جديد الا ان سلمي تحدد زواجها في الصيف

جت الاختبارات والكل انشغل بالمذاكرة

طبعا بيت أبو عادل استنفار لان مها وعادل في فترة الاختبارات

في يوم من أيام الاختبارات كانت مها مره مرهقه من المذاكرة ومواصله

ولا أفطرت على طول أدخلت الاختبار.. على طول

في القاعة

حست المعلومات طارت من عقلها

مها (في نفسها ):ولا شي ولا شي يا ربي ....

آه ... ولا شي

تحاول تعصر تفكيرها
لكن ما طلع معها شي
ما هي متذكرة ولا شي

حست بضيقة نفس شي يخنقها

تبغي تطلع
بس تطلع
ما ودها
تجلس ولا دقيقه

سلمت الأوراق

ولا أكتبت إلا اسمها

طلعت تدفع خطاها دفع والدنيا تدور فيها

أول مره يحصل لها كذا طبعا ما أحد لا حظ أنها تعبانه

لان مها شاطره ففكروها حلت بسرعة وطلعت

عن الباب

تلتفت ما في احد

جلست في زاوية تناظر في يدينها

وهي تصيح وتعتب على نفسها

ليه ولا حرف

ولا كلمه

صوت بكاء ها عالي

حست انه الصوت الوحيد بالمكان اللي تحول في نظرها إلي موحش

جلس جنبها وقال بصوته المفعم بالرجولة : مها وش فيك .. مها .... مها

كانت تسمع لكن وش ترد

اقترب منها وحاول يبعد أيدها عن وجها وخصلة شعرها الملتصقة في وجهها المبلل من دموعها
صار اقرب وهي ما تكلمت ناظرت في وجهه
أول مره تشوف نظرت الحنان بعيونه

مها كأنها تستعطفه : يوسف .. ما حليت

يوسف : وكل هذا علشان ماحليتي .. عذبتيني .. حسبت فيك انتي شي

مها وهي تحاول تستوعب

يوسف بصوت يملاه الحنان : مها لا تبكين انا ما احب اشوف دموعك

نست مها الاختبار وانها ماحلت وضاعت بنبرت صوته الدافي اللي اول مره تسمعها واول مره تحب يوسف يتكلم اكثر
مها : وانت يهمك اذا كنت ابكي والا لا .. ما انت يا ما بكيتني

يوسف وهو يقربها من حضنه : وانا اسف .. بس خلاص الحين ارجوك ذبحتيني

ترفع مها عيونه له ولا تحاول تفك نفسها من اسر حنانه ولا قيود عطره اللي قيدت انفاسها مثل ماانشلت حركتها بارادتها
مها: وش افسر كلامك هذا فيه
يوسف بنفس الحنان :باني احبـــــــــــــــــــــــــــــــــــك .. واحبك
:
:
:
:
:
:
:
:
:
:
:

:
مها ... مها ... مها ........................... كان هذا صوت سلمى وهي تفيق مها

مها ترفع الغطي من على وجهها وهي تفتح عيونها بصعوبة : أنا كنت احلم!!!!!!
سلمي : أكيد حلم دامك بفراشك يذكيه ......... بس قولي وش حلمك يمكن أفسره لك ......كخخخخ
مها بارتباك : كنت حالمة إني ما حليت شي بالاختبار
سلمى :اجل قومي كولي شي وارجعي ذاكري لا يصير علم

مرت الاختبارات على
خير
وكان اليوم اخر يوم منها

مها : أوووووف مابغينا نخلص .....قسم بالله كابوس
هدى وهي تضرب مها بكتفها وتغمز لها: مثل ذاك
مها : اشششششش .. الشرهه على اللي يحكيلك
امل : وش الكابوس ذاك ماقلتلي ياملعونه
مها بارتباك : ولاشي حلمت اني ماحليت واغمى على وبابا ضربني اعوذ بالله مابغي اتذكر
امل : هذا من الارهاق وكثر المذاكره
هدى : انا ماني مصدقه ان رحلتي بعد باجر وراح اشوف اهلي ...........واي شكثر مشتاقه لهم >>>> تغير الموضوع

امل : وييي ياربي تطلع النتايج زينه ويخلف تعبنا

مها المحت يوسف متجه لمكتبه .. ارتبكت .. وبان عليها
امل : وش فيج
مها تاشر بعيونها له : يوسف
هدى تناظر بنفس الاتجاه اللى تناظر فيه مها : يوسف منو .... آآه جوزيف
صدقين انسى ان اسمه يوسف ......... بس تعالوا هذا وين كان غاطس
امل مركزه فيه: مها كأنه يناديج!!!!!
مها بارتباك: لالا مايقصدني
هدى : امبلا شوفي
مها راحت ووقفت عنده >>>> مبهر كأنه الحين طالع من حلمها

مها : نعم استاذ جوزيف
يوسف : تعالى لوسمحتى
الحقته مها الي المكتب ولا ادخلت وقفت عند الباب
ناظرها : ادخلى وش فيك
مها بجد :نعم!!!!
يوسف : ادخلى
دخلت مها وقربت للمكتب
يوسف : مها لو سمحتى هذى الكتب تعطينها للوالد وتبلغينه شكري والسلام
مها : وانت ليه ماتعطيه بنفسك!!!!
يوسف : انا مسافر اليوم وما اعتقد الحق اقابله
مها وهي تناظر الكتب : وانا بشيل كل هذا!!!!!
يوسف يقلدها : وانا بشيل كل هذا ...لا يارقيقه...الفراش راح يوديهم لسيارتك
مها بعصبيه : انت ليه كذا؟؟؟
يوسف : كذا ايش
كانت تبغى تطلع لكن هو مسك يدها وسحبتها منه بسرعه
يوسف :كملي كلامك كذا ايش
مها : ولا شي سحبت كلامي
يوسف يتاملها ويتنهد بعمق وهو يقول: بشتاقلك
مها تفتح عيونها ع الاخر من المفاجأه : همممم
تبلع ريقها وترجع ورا بظهرها وهي تقول : عن اذنك
واسرعت لخاج الغرفه
يبتسم يوسف ابتسامه عريضه (حس انه احرجها )... : مها لحظه
التفتت له وهو يقول :الكتب الله يهداك
لكنها ماسالت فيه من كثر الاحراج وطلعت من المبنى كله
ارجعت لزميلاتها وهى في عالم ثاني
هدى : وش فيك كنج مسبهه وش قالج وحش الشاشه
مها :.........................................
امل : ما تردين وش يبي
مها : يبغى يعطيني الكتب
هدى : اللى اخذهم من ابوج
مها : ايوه
هدى : انزين وبعدين ..يبي يعطيج الكتب ماتسوي فيج جذي.. ابي شنو قالج وخلاج كنج خبله
مها: ههههههههههه الله ياخذك
هدى : قالج الله ياخذج
مها : ههههههههه لا يالخبله
هدى : وش قالج خلصينا
مها ويتغير لون وجهها : اممممم قال ............... ابشتاقلك
هدى : هاااا يعنى يحبج
مها ترفع اكتافها:ويمكن له هدف ثاني
هدى : شنو مثلا
مها : مادرى!!
امل : جوزيف مو سهل ويطلع منه
كانو يتكلمون وهم متجهين للسياره واول مااركبو السياره
امل : مها شوفى
مها : ايش
كان يوسف بنفسه جايب الكتب وقرب من السياره
انزلت مها تاخذهم
يوسف نظره غريبه بعيونه : نسيتيهم
اخذت مها منه اول ثلاث كتب وحطتهم بالسياره
لما قربت له امسكت بالكتب الباقي ناظرها وقال بهمس : مع السلامه
حست دقه قويه بقلبها وارجفت يدها طيحت الكتب منها نزل معاها يلم الكتب
بلعت مها ريقها ومن الاحراج قالت لااراديا : مع السلامه

ركبت السياره وهو كان واقف في محله ماتحرك كان يتاملها كأنه يبغى يحفظ ملامحها